Nire blog honi hasiera emateko bultzada Adrianen eta Antxusen blog-ek eman didate, Bilbo handian jazotzen denataz berri ematen baitute biek, bakoitzak bere ikuspegitik noski. Bi hauen ideiek Gasteiz ere handia dela erakustera bultzatu naute, nik bertan izaten ditudan goraberen berri izateko, bai etxean, bai unibertsitatean eta baita iada hainbeste aldiz bisitatu dudan ALDE ZAHARREAN. Nik ere euskara batuan idatziko dut, ez bainaiz beste bi hauek baino gutxiago,jaja!Besterik gabe lehen bi aste hauetan bizitakoa kontatzera ekingo diot.
Iada bi aste eginak ditut Gasteiz aldean; kaleetan zehar hamaika aldiz galduta ibili izan naiz, baina gainean mapa edukitzeak izugarri lagundu nau. Aurreko astelehenean iritsi nitzen Gasteizera anairekin eta Iñigo lehengusuarekin (alias PATATAMAN). Etxeko giltza gainean ez nuenez tinbrea jo behar izan nuen eta pisuan aurkitzen ziren biak esnatu egin nituen. Bata durangotarra, Julen, tipo xelebrea. Bestea berriz Jurgi, Zarauztarra, nire lehengusu txikia. Hirugarrena eguerdian iritsi zen Ander, elgoibartarra. Guztiak iada urte bat daramate Gasteizeko giro hotzean murgildurik.
Hamarrak aldera iritsi nintzen unibertsitatera, ordu hortan bainuen kurtsoaren aurkezpena. Atetik Ekhi sartzen ikustean izugarri poztu nintzen. Ekhi usurbildarra da, gure adinekoa, eskubaloiko jokalaria. Bistaz ezagutzen giñen elkar baina lehen egunetik lagun onak egin gara.
Hurrengo eguna berdintsu joan zen, goizez klasera atsaldez siestatxoa eta buelta txiki bat hiritik.
Eta horrelaxe osteguna iritsi zitzaigun, lehen osteguna, gelako lehen afaria. Txukunak iritsi ginen etxera, txukunak eta kostata, etxea topatzen ordu bat kostatu baitzitzaidan.
Hurrengo eguna..pfff...aurreko gaueko ondorioak ordaintzeko ordua. Lo hartu eta ezin izan nuen leheneno klasera iritsi. Hala ere gustora joan nintzen bigarren ordura, aurreko egunean ikaskideekin iada konfidantza hartu baikenuen. Klase hori amaitu eta segidan tren geltokira joan ginen, Donostirako bidea hartzeko. Eguraldia, txarra.