bigarrena ta hirugarrena...

Aste honetan igandean etorri naiz, astebukaera neketsu baten ondoren. Ostiralean azterketa amaitu eta bereala, Ekhi ikaskidearekin nire etxera joan nintzen, maleta egin pare bat San Miguel edan eta nire anaiarekin batera Zarautz aldera joateko. Seirak eta laurden inguruan atera ginen nire etxe behetik, Gasteizetik irteteko nahikoa denbora behar baita. Zarautzera iritsi baino lehenago, nire anaiaren kuadrillako Larra hartu behar izan genuen Arrasaten. Denok batera iritsi ginen Zarautzera. Ni zuzenean lanera joan nintzen, berez seietan sartzen bainintzen. Ekhi autobusa hartu zuen Usurbil aldera joateko. Ostiralean, ez nuen ia lanik izan eta hamabi terdiak ingururako atera nintzen. Larunbatean berriz... hirurak laurdengutxitan irten nintzen, azken orduko kuadrilla mistikoak etorri baizitzaizkigun. Gero trago pare bat eta etxera joan nintzen. Atzo berriz 6 terdietan irten ginen Zarauztik, Gasteizera zortziak laurdengutxiagotan iritsi ginelarik. Besterik gabe, bihar dut bigarren azterketa, Didaktika Orokorra, test moduko galdera batzuekin eta etzi hirugarrena, Jolas Motorea, egindako jolasen analisia. Ea nola joanen zaizkidan, geroz eta gutxiago falta baita hain gogotsu itxaroten nabilen eguna. Eskerrikasko animoak eman dizkidazuen guztioi eta zorte berea opa dizuet zuei ere. Izan huntsa! Ametsaren helmugarat...